Sâki bize mey sun devrimiz dur edelim gel !….
Gel meclis-i rindâne-i pür nur edelim gel !….
Üç günlük ömür mahv-ü hebâ olmasın ey dost…
Ol şûha gönül mülkünü mâmur edelim gel!….
İşret demidir gel içelim gül gibi meyden,
Şâhâne güzel çeşmini mahmûr edelim gel !….
Cemşit gelerek bezmimize neş’e dilensin ,
Hem nûş edelim hem ney-i tanbur edelim gel!….
Bir vaslına can nakdini billâh veririm ben ,
Gel cânım için câmımı mesrûr edelim gel!…..
Tarhan’e dedi bir melek ül hüsn-ü maâli,
Uşşak eline nâmını mansur edelim gel!…..
