Hoş geldin eyâ berid-i cânân
Gel ver bana bir nüvid-i cânân
Can ola fedâyı iyd-i cânân
Yârin bize bir selâmı yok mu .
Ey hızr-ı fütâdegân söyle
Bu sırrı edüp ayan söyle
Ol sen bana terceman söyle
Ketm’etme yegân yegân söyle
Gam defterinin tamâmı yok mu .
Yârab ne intizardır bu
Geçmez niçe rüzgârdır bu
Hep gussa vü harhardır bu
Duysam ki ne şivekârdır bu
Vuslat gibi bir merâmı yok mu .
Kâm aldı bu çerhden gedâlar
Ferdâlara kaldı âşinâlar
Durmaz mı o ahdler vefâlar
Geçmez mi bu etdiğim duâlar
Hâl-i dilin intizârı yok mu .
Dil hayret-i gamla lâl kaldı
Gâlib gibi bî-mecal kaldı
Gönderdiğimiz arz-ı hal kaldı
El’an bir ihtimâl kaldı
İnsâfın o yerde nâmı yok mu
